Bul oryn respýblıkamyzdaǵy biregeı mádenı-geografıalyq alańnyń qataryna kiredi. Muztaý taýy Eýrazıanyń týra ortasynda ornalasqan, Qazaqstan men Reseıdiń shekarasynda tur. Ár ultta osy taýdyń ózindik ataýy bar: máselen, altaılyqtar Ých-Sýmer, orystar - Belýha, qazaqtar - Muztaý dep ataıdy.

Bul jerdiń energetıkasy erekshe. Sondyqtan bolar munda ǵalymdar, aqyndar, sýretshiler, jazýshylar men týrıster kóptep aǵylady. Muztaý taýynda demalýdyń ózi bir ǵanıbet. Onyń aýmaǵynda týrısik bazalar men keshender, qonaqtarǵa arnalǵan úıler bar. Sondaı-aq munda saýyqtyrý kesheni bar. Onda  panta vanasy men maral sharýashylyǵy ornalasqan. Muztaý taýyna ekskýrsıa jasaýǵa álpınıser men ekstrımdi unatatyn jandar keledi. Budan bólek bul jaqqa mádenı mura men Altaı aımaǵynyń tarıhymen tereń tanysqysy keletin saıahatshylar da at basyn burady.

Taýly Altaı aımaǵynyń mıstıkalyq oryndarynyń qataryna Iarlý ańǵary jatady. Ormandaǵy sırek kezdesetin gúlder men jartastardyń kez kelgen jandy tańǵaldyratyny ras. Shaman tasynyń mańaıynan medıatasıamen aınalysatyn adamdardy jolyqtyrýǵa bolady.

Mıstıkalyq oryndardyń biri - Aqkem ózeni. Aıtpaqshy, bul ataýdy kerisinshe oqysańyz, "Mekka" degen sóz shyǵady.