Almaty oblysynda medısına qyzmetkeri PTR testtiń teris kórsetkishi bar anyqtamalardy 25 myń teńgeden satqan. Bul týraly qarjy mınıstrligi qarjy monıtorıńi komıtetiniń baspasóz qyzmeti habarlady.

"Covid-19-ǵa teris nátıje kórsetilgen PTR anyqtamasyn jasap, aqshalaı "syıaqy" alǵany úshin 1984 jyly týǵan medısına qyzmetkeri ustaldy" delingen komıtettiń baspasóz qyzmetinde.

Bul jaǵdaı Almaty oblysy boıynsha ekonomıkalyq tergeý departamenti qyzmetkerleriniń jedel izdestirý is-sharalaryn júrgizý kezinde anyqtalǵan.

Vedomstvonyń málimetinshe, ol maýsym aıynan bastap 12-ge jýyq jalǵan anyqtama satqanyn moıyndady.

Baspasóz qyzmeti qazirgi ýaqytta atalǵan fakt boıynsha sotqa deıingi tergeý bastalǵanyn atap ótti.