«Estıtin memleket» tujyrymdasyn iske asyrý maqsatynda SHQO ákiminiń orynbasarlary apta saıyn turǵyndarǵa onlaın qabyldaý ótkizedi. Árbir juma kúni vıdeokonferensıa rejıminde saýal qoıyp, aktýaldy taqyryptar týraly túsindirý jumystary júrgiziledi.

Ótken aptada SHQO ákiminiń álemeýmettik máseleler boıynsha orynbasary Álisher Marhabat onlaın qabyldaý ótkizdi. Oǵan óńirdiń birneshe turǵyny qatysty. Qabyldaý oblystyq basqarma basshylarynyń, sondaı-aq Óskemen qalasy men Abaı aýdany ákimdikteriniń qatysýymen ZOOM rejıminde júrgizildi.

«Otandastar» dúnıejúzilik qazaq Asosıasıasynyń» oblystyq fılıalynyń jetekshisi K.Áskerhan qandastardyń máselesin aıtyp, kvoto qarastyrýdy ótindi. Oblys ákimi orynbasarynyń qabyldaýyna kópbalay ana, Abaı aýdanynyń turǵyny úlken ulyn mamandyǵy boıynsha ınformatıka pániniń muǵalimi etip jáne týysqanynyń qyzyn mamandyǵy boıynsha Qaraýyldaǵy mektepke tarıh pániniń muǵalim etip  jumysqa ornalastyrýdy surady. Budan bólek, kópbalaly ana bıyl mektep bitirgen  ulynyń oblys ákiminiń grantyna túsýi úshin qandaı talaptardy oryndaýy qajet ekeni jóninde saýal qoıyp, jaýabyn aldy.

Óskemen qalasynyń turǵyny R.Smaǵulov ýnıversıtettegi oqý oqysyn tóleýge kómek kórsetýdi ótindi. Sondaı-aq ol ózin Abaı Qunanbaevtyń mereıtoıyna oraı uıymdastyrylatyn sharaǵa qatysý úshin volonter retinde tirkeýdi surady.

Nur-Sultan qalasynan R.Maýshanov onlaın qabyldaýǵa qatysyp, oblys ákimdigimen birlesip Uly Otan soǵysynda qaza tapqan jaýynger-týysqandaryn izdeý máselesine qol ushyn berýdi ótindi.

Qabyldaý barysynda Álisher Marhabat árbir turǵynnyń saýalyna jaýap berdi. Jeke máseleler boıynsha qoıylǵan suraqtardy sheshýge qosymsha ýaqyt bólinip, oblystyq basqarmalardyń basshylaryna tıisti tapsyrmalardy júktedi.