Almaty qalasynyń bas memlekettik sanıtar dárigeri Jandarbek Bekshın respýblıka boıynsha karantın rejımi qalaı jeńildetiletinin aıtty.

Bekshınniń sózinshe, jumys kúnderi qaladaǵy qoǵamdyq tamaqtaný oryndary tańǵy saǵat 9.00-den 22.00-ge deıin jumys isteıdi. Al demalys jáne meıram kúnderi saǵat 10.00-23.00 arasynda ashyq bolady.

– Kóptegen qoǵamdyq tamaqtaný oryndary kópqabatty úılerdiń birinshi qabatynda ornalasqan. Jeke ornalasqan tamaqtaný oryndarynyń halyqqa eshqandaı zıany tımese, jumys ýaqytyn bir saǵatqa kóterýge múmkindik bar. Osyny qarastyryp, bir sheshimge kelemiz, –dedi qalanyń bas sanıtar dárigeri.

Ol qaladaǵy kásiporyndardyń jumysy toqtatylmaıtyn, ol jerde sanıtarlyq talaptar saqtalatynyn aıtty.

– Qoǵamdyq tamaqtaný nysandarynyń kúndiz kelýshilerdi qabyldaý erejesi bar. Olar tolymdylyǵy 50%-ǵa deıin qabyldaı alady. Ústelderdiń arasynda eki metr araqashyqtyq bolýy kerek, al endi oryndyqtar arasy 60 santımetrden kem bolmaýy kerek. Tamaqtaný oryndarynyń qyzmetkerleri betperde men qolǵap kıip júrýi kerek. Sondaı-aq qoǵamdyq ekrandar qoıylady, – dedi Jandarbek Bekshın.