Qazaqstannyń eks-prezıdenti Nursultan Nazarbaevtyń jıeni Aısultan Rahattyń jerleý rásimi ótetin kún belgili boldy. Bul týraly Kaztag agenttigi habarlady.

Agenttik óziniń derekkózderine súıene otyryp, Aısultan Rahattyń jerleý rásimi 17 tamyz kúni ótetinin jazdy.

Aısultan Rahat – Qazaqstan senatynyń eks-spıkeri Darıǵa Nazarbaevanyń ekinshi uly. 

♦ "Meni óltirýge tyrysýy múmkin". Aısultan ómiri úshin qaýiptengen

Keshe 16 tamyzǵa qaraǵan túni onyń London qalasynda qaıtys bolǵany habarlanǵan.

Ol sońǵy ýaqytta Facebook-te belsendi bolyp, ózi jáne otbasy týraly, Qazaqstan bıligindegiler, qudaı jaıly jıi jazǵan. 17 shildede jarıalanǵan sońǵy jazbasyn "KAZ Minerals", "Qazaqmys Holdıńtiń" dırektory Vladımır Kımge arnaǵan.

A.Rahattyń qaıtys bolǵany jaıly aqparattan birneshe saǵat ótken soń, Nursultan Nazarbaev qorynyń Facebook paraqshasynda Darıǵa Nazarbaeva ulynyń dúnıeden ozýyna qatysty pikirin bildirdi.