Belgili zańger, qoǵam belsendisi Aıgúl Orynbek áleýmettik jelidegi paraqshasynda Aısultan Rahattyń ólimine qatysty pikir bildirip, jaqyndaryna kóńil aıtty.
"Soǵys kezinde ólikterdi kómýge múmkindik berilgen! Adamnyń qaıǵysynda tynysh qaldyrýǵa bolady ǵoı! Qandaı ana óz balasyna jamandyq tileıdi aıtyńdarshy?
Darıǵa hanym óz balasyna bárin berdi. Er azamattar eshqashan áıel zatyn túsinbegen, ákesiniń arqasynda anasynan jyraq júrgen balada ókpe bolǵany ras! Anasyna saǵynysh, kishkentaı kezinde qalǵan ókpe travmasynda syrtqa shyǵardy. Búkil álemge jar salyp aıtty da! Bárin kináládi, kekshildik degen jaqsy emes, bárin jaý kórdi. Myna ómirde ózin túsinetin adam tappaı, ómirmen qoshtasty.
Eshkim ıdeal emes, bárimizdiń kemshiligimiz bar.
Adam jeke ómirin, tańdaýyn syılap úırený kerek, bul da bir mádenıet!
Ia balaǵa baq berildi, otbasyna degen ashý yzasyn halyqqa qyzmet jasap, muqtaj jandarǵa kómek berý arqyly qaıtarý kerek edi. Átteń olaı bolmady, otbasy dushpandarynyń qolynda peshkaǵa aınaldy!
Eshqandaı ana óz balasyn jerge ońaı qıyp bere salmaıdy. Jyndy, tentek bolsa da tiri júrgenin qalaıdy. Qaraly kúni adamnyń qaıǵysyn qarǵysqa, mazaqqa aınaldyrýdyń qajeti joq!
Balany tynysh qaldyraıyq, bul ómirde tappaǵan jan tynyshtyǵyn o dúnıede tapsyn! Imandy bolsyn!" delingen zańgerdiń jelidegi jazbasynda.
Taǵy oqyńyz!
Pikir qaldyrý