Osy aptada Belarýs elinde jańa ereýilder bolady dep kútilýde. Keshe eldi 26 jyl bılegen prezıdent Aleksandr Lýkashenkonyń ketýin talap etip kóshege shyqqan adamdar sany júz myńnan asty.

Alaıda ázirge Lýkashenko ketý týraly oılamaıtyn syńaıly. Ol jeksenbide jaqtastaryn "eli men táýelsizdigin qorǵaýǵa" shaqyrǵan.

Alaıda elde narazylyq bildirýshiler kún sanap artyp jatyr.

Jergilikti Tut.by jańalyqtar saıty beıbit sherýdi "táýelsiz Belarýs tarıhyndaǵy eń úlken" sherý dep sıpattady.

Oǵan qosa, Belarýs elin 30 jylǵa jaýyq basqarǵan Lýkashenko basqa Eýropa elderiniń qysymyna tap boldy.

Jeksenbi kúni Fransıa prezıdenti Emmanýel Makron "Eýropalyq Odaq óz quqyqtary, bostandyǵy men egemendigin qurmetteý úshin beıbit túrde narazylyq bildirip jatqan júz myńdaǵan belarýs halqyna qoldaý kórsetýdi jalǵastyrýy kerek" dedi.

Germanıanyń vıse-kansleri Olaf Shols "Bild" gazetine Belarýs lıderi "barlyq legıtımin joǵaltty" dep ony "jaman dıktator" dep sıpattady.

Ótken aptada Eýropalyq Odaqtyń syrtqy ister mınıstrleri "zorlyq-zombylyq, repressıa jáne saılaý nátıjelerin burmalaý" úshin jaýap beretin Belarýs sheneýnikterine qarsy jańa sanksıalar daıyndaýǵa kelisti.

AQSH saılaýdy "erkin jáne ádil emes" dep aıyptady.