SHQO-da elimizdegi sanıtarlyq-epıdemıologıalyq jaǵdaı eskerile otyryp, tehnıkalyq jáne kásiptik bilim berý júıesinde, mektepterdegi sıaqty jańa oqý jylyn bastaýdyń eki nusqasy qarastyrylýda.  Bul týraly Shyǵys Qazaqstan oblysynyń ákimi Danıal Ahmetov málim etti.

- Qashyqtyqtan oqytý júıesi boıynsha 69 kolejdyń 32 myńnan astam stýdenti bilim alady dep josparlanýda. Óndiristik oqytý, kásiptik praktıka, tehnıkalyq, tehnologıalyq, medısına jáne óner mamandyqtary boıynsha zerthanalyq jumys saǵattary barlyq sanıtarlyq talaptardy saqtaı otyryp, júrgiziletin bolady.  Sany az toptarda dástúrli formatta ótkiziledi, - dedi aımaq basshysy.

Baspasóz máslıhaty barysynda oblys ákimi Danıal Ahmetov shtattyq rejımde oqytý shaǵyn kontıngenti bar (200-ge jýyq stýdent) jáne aýyldarda nemese halqy az qalalarda ornalasqan 13 kolejde uıymdastyrylatynyn atap ótti. Bul kolejderde jalpy jıyny 1 721 (myń jeti júz jıyrma bir) stýdent bilim alady. Oqý barysynda barlyq sanıtarlyq-epıdemıologıalyq talaptar saqtalyp, kabınettik júıeden bas tartylady.

-         Jańa oqý jylynda «Jas maman» jobasy aıasynda óńirdegi 5 kolejdiń bazasynda WorldSkills halyqaralyq standarttaryna sáıkes keletin quzyrettilik ortalyqtary ashylady. Qazirgi ýaqytta osy baǵyttaǵy jumystardyń 80 paıyzy oryndaldy. Atalmysh ortalyqtar birinshi qyrkúıekke deıin qoldanysqa beriledi. Onda óńirdegi basqa kolejderdiń stýdentteri men pedagogtary tájirıbelik sabaqtar ótkizedi, - dedi Danıal Ahmetov.

Aıta keteıik, bul baǵyttaǵy jumystar 2022 jylǵa qaraı kásiptik-tehnıkalyq bilim berý sapasyn 24 paıyzǵa, kolej túlekterin jumysqa ornalastyrý úlesin 16 paıyzǵa arttyrýǵa múmkindik beredi.