"Adamzattyń jalpy sany 77 jarym mlrd-tan asty. Ár 10 sekýnd saıyn 26 sábı dúnıege keledi. Ár bala, ár jańa tulǵa - biregeı, erekshe daryndy! Al bizdiń, ıaǵnı, eresekterdiń mindeti – senderdiń qajettilikterińdi qamtamasyz etý, ár baladan jaqsy Adam tárbıeleý, árkimge óz talantyn, eń jaqsy qasıetterin tanytýǵa kómektesý. Kez-kelgen adamnyń eń basty qasıeti - gýmanızm, meıirimdilik, basqalarǵa qurmet bildirý, Ómirdi Jerdegi eń basty baılyq retinde baǵalaı bilý. Men tek adamdardyń ǵana emes, ár tirshilik ıesiniń, janýarlardyń, ósimdikterdiń ómirin aıtyp turmyn. Bul óte mańyzdy, óıtkeni biz jalpy planetamyzdy, Jer betindegi búkil tirshiliktiń alýan túrin saqtap qalýymyz kerek.

Balalar, senderge keıde bala eshteńe jasaı almaıdy, balaǵa eshteńe baılanysty emes degen oı keledi. Dese de álemdi jaqsy jaqqa ózgertý BÁRİMİZDİŃ qolymyzda ekenin umytpaǵandaryń abzal. Qansha jasta ekenderiń mańyzdy emes, eń mańyzdysy - Álemdi jaqsy jaqqa ózgerte alamyn degen aq nıetteriń. Senderdiń ıdeıalaryń, pikirleriń, áreketteriń kóp nárseni ózgerte alady.

Sondyqtan, baıqaýǵa óz jumystaryn jibergen ár balaǵa kóp rahmet aıtqym keledi. Árqaısysyńnyń óz ereksheligiń bar, baıqaýǵa kelgen árbir jumys erekshe ári qundy.

Búgin, kim marapattalatynyna qaramastan, eń bastysy - sender óz sýretteriń men esseleriń arqyly janýarlardy qorǵaýǵa óz úlesterińdi qostyńdar, Senderdiń pikirlerińdi eleýsiz qaldyrmaımyn dep ýáde beremin.
Keıbir balalardyń jumysy búkil Qazaqstan boıynsha bılbordtarda ilinedi. Degenmen árqaısylaryń qyrkúıek aıynda bastalatyn «Meniń Jasyl Planetam» atty kelesi baıqaýǵa qatysyp, ekologıalyq máseleler jaıly, jerdegi ómirdi saqtaýdyń mańyzy týraly sóz qozǵaı alasyńdar.
Bizdi qoldaǵan barlyq seriktesterge alǵys aıtamyn!

Konkýrs Bala quqyǵy jónindegi ýákiletti ókili Arýjan Saıyn bastamasymen, Qazaqstan Prezıdentiniń Qasym-Jomart Toqaev qamqorlyǵymen, Qazaqstan Respýblıkasynyń BUU qorshaǵan ortany qorǵaý baǵdarlamasynyń Dúnıejúzilik qorshaǵan ortany qorǵaý kúni aıasynda ótkiziledi.

Qazaqstan Respýblıkasy Parlamenti Senatynyń spıkeri Máýlen Saǵathanuly Áshimbaev balalarǵa óz quttyqtaý sózderin joldap, olardyń qozǵaǵan barlyq máselesin sheshýge úles qosatynyn jetkizd!

Senat basshysy men İshki İster mınıstrligi, Bilim jáne ǵylym mınıstrligi, Mádenıet jáne sport mınıstrliginiń, BUU, «Balalar Álemdi Beıneleıdi» Qoǵamdyq Qory basshylarynyń búgin bizben birge bolǵany óte mańyzdy, sebebi balalardyń parlament pen úkimetke tujyrymdaǵan mindetterin janýarlar men tabıǵatty qorǵaýshy belsendi balalar jetkizbekshi. TÝNZA uıymynyń UNEP balalar baǵytyndaǵy Qazaqstandaǵy ekologıalyq býynynyń elshisi, jáne eko-zoo aktıvıs balalary Dıana Gamazova, Altybaeva Valerıa, Mýhammeddýlat Oljabaı, Dúsenova Djamılá bizdiń marapattaý efırinde sóz aıtqan.

Konkýrs Qazaqstan Prezıdentiniń qamqorlyǵymen, BUU qorshaǵan ortany qorǵaý baǵdarlamasynyń Dúnıejúzilik qorshaǵan ortany qorǵaý kúni aıasynda, Bilim jáne ǵylym mınıstrligi, Mádenıet jáne sport mınıstrliginiń qoldaýymen, «Balalar Álemdi Beıneleıdi» Qoǵamdyq Qory, bas seriktes «Edu Stream» kompanıasynyń jáne «Tehnodom» men «Nastoıashıı Býratıno» seriktesteriniń qatysýymen ótti.

Balalar sýretiniń «Janýarlar – meniń dostarym!» respýblıkalyq konkýrsynyń jeńimpazdary syılyqtaryn ıelendi. Qatysýshylar eńbegi Bas júlde jáne tórt jas toby – 6-8, 9-11, 12-14, 15-17 jas boıynsha ár topta úsh orynnan jeńgender anyqtaldy. Konkýrstyń bas demeýshisi «Edu Stream» kompanıasynan Avstrıaǵa sapar sertıfıkatyn bas júlde ıegeri sondaı-aq tórt jas tobynyń 1 oryn ıegerleri de qanjyǵasyna baılady. Barlyq jeńimpaz «Tehnodom», «Nastoıashıı Býratıno» kompanıalarynan smartfon, samokat jáne basqa qundy syılyqtarǵa ıe boldy. İshki İster Mınıstrligi konkýrsqa qatysqan Jasmın Nazar, Ahmed Adelá, Ryzaeva Fatımaǵa arnaıy syılyq – planshet tabys etti. Sonymen qatar qysqa beıne túsiretin «LIKEE» ǵalamdyq platformasynan esse jazǵan balalarǵa arnalǵan syılyqtary óz ıesin tapty.

6-8 jas toby boıynsha jeńimpazdar:

1 oryn: Zonova Polına, 8 jas, Óskemen q. (Shyǵys Qazaqstan oblysy)
2 oryn: Taranova Anastasıa, 6 jas, Ekibastuz q. (Pavlodar oblysy)
3 oryn: Nurǵalıev Aıádil, 7 jas, Aqtóbe q. (Aqtóbe oblysy)

9-11 jas tobyndaǵy jeńimpazdar:

1 oryn: Jangeldi Eldos, 10 jas, Aqqudyq a., Aıynshy aýdany (Soltústik Qazaqstan oblysy)
2 oryn: Polákova Vıktorıa, 10 jas, Óskemen q. (Shyǵys Qazaqstan oblysy)
3 oryn: Marıkov Andreı, 9 jas, Rýdnyı q. (Qostanaı oblysy)

12-14 jas tobyndaǵy jeńimpazdar:

1 oryn: Kýrak Dana, 14 jas, Oral q. (Batys Qazaqstan oblysy)
2 oryn: Álimbekova Marhaba, 13 jas, Abaı a. (Qaraǵandy oblysy)
3 oryn: Son Sofıa, 13 jas, Almaty q.

15-17 jas tobyndaǵy jeńimpazdar:

1 oryn: Baıbosynova Alına, 15 jas, Nur-Sultan q.
2 oryn: Karchıev Jasýrbek, 17 jas, Túrkistan q. (Túrkistan oblysy)
3 oryn: Gerasımov Danııl, 14 jas, Smırnovo a., Aqqaıyń aýdany (Soltústik Qazaqstan oblysy)

Bas júlde - Ivanıchenko Marıa, 15 jas , Almaty q" dep jazdy jelidegi paraqshasynda.