Qazaqstannyń densaýlyq saqtaý mınıstrligi ótken táýlikte kornavırýst ınfeksásynan 20 adam, pnevmonıadan 6 adam qaıtys bolǵanyn málimdedi.

Bir táýlikte koronavırýs juqtyrǵan 256 adam jáne pnevmonıaǵa shaldyqqan 723 adam anyqtaldy.

Barlyǵy 13 mamyrdan beri Qazaqstanda 104 071 adam koronavırýs juqtyrdy, 1 481 adam dertten qaıtys boldy.

1 tamyzdan beri pnevmonıamen syrqattanǵan 21 264 adam tirkeldi, 243 naýqas kóz jumdy.

Qazirgi ýaqytta koronavırýstyq ınfeksıadan 14 670 adam em qabyldaýdy jalǵastyrýda. Olardyń arasynda 62 bala bar. Aýrýhanalarda 6 339 naýqas jatyr. 8 331 adam ambýlatorıalyq jaǵdaıda emdelýde.

"Jalpy naýqastardyń arasynda 355 adamnyń ahýaly nashar. Sonyń ishinde 78 naýqastyń jaǵdaıy asa aýyr dep baǵalanýda. 49 naýqas jasandy tynys aldyrtý apparatyna qosyldy" delingen mınıstrlik taratqan resmı habarlamada.

Ótken táýlikte 1470 adam koronavırýs indetinen emdelip shyqqan, dertten jazylǵandardyń jalpy sany 87 920 adam boldy.