Sybaılas jemqorlyqqa qarsy is-qımyl agenttigi "Qazavtojol" ulttyq kompanıasynyń basshylyǵyna qatysty sotqa deıingi tergeýdi bastady.

"Batys Qazaqstan oblysy boıynsha Sybaılas jemqorlyqqa qarsy qyzmet departamenti "Qazavtojol" ulttyq kompanıasy AQ oblystyq fılıalynyń basshylyǵyna qatysty asa iri kólemde búdjet qarajatyn urlaý faktisi boıynsha sotqa deıingi tergeýdi bastady QR Qylmystyq kodeksiniń 189-baby 4-bóligi 2-tarmaǵy boıynsha jazalanady. (Múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, 7-12 jylǵa deıingi merzimge bas bostandyǵynan aıyrýǵa jazalanady).

Atalǵan tulǵalar merdigerlik uıymmen jáne basqa tulǵalarmen aldyn ala sóz baılasý arqyly 2017-2019 jyldar aralyǵynda respýblıkalyq mańyzy bar avtomobıl joldary ýchaskesiniń Qazaqstan-Reseı shekarasyndaǵy "Syrym" ótkizý pýnktin abattandyrý boıynsha kúrdeli jóndeýge bólingen 13 mln teńgeden astam (13 247 799 teńge) búdjet qarajatyn jymqyrǵan" delingen agenttik taratqan habarlamada.