Pavlodarda 5,5 tonna janarmaı materıaldaryn zańsyz qabyldaǵan kompanıa basshysy ustaldy. Bul týraly sybaılas jemqorlyqqa qarsy is-qımyl agenttigi habarlady.
"Pavlodar oblysynyń sybaılas jemqorlyqqa qarsy qyzmeti zańbuzýshylyq jasady degen kúdikpen "Qazaqstan temir joly" Ulttyq kompanıasy AQ oblystyq fılıaldarynyń biriniń basshysyna qatysty sotqa deıingi tergeý jumystaryn bastady.
Ol uıym basshylarynan jalpy quny 1 mln teńgeden asatyn 5,5 tonna janarmaı materıaldaryn zańsyz qabyldady degen kúdikke ilindi" delingen agenttik habarlamasynda.
Aıta keteıik, "Qazavtojol" ulttyq kompanıasynyń basshysy 13 mln búdjet qarajatyn jymqyrý kúdigine ilindi.
Pikir qaldyrý