Qytaıdyń TikTok beıne qosymshasy AQSH prezıdenti Donald Tramptyń tyıym salýyna qarsy zańdy is-áreketterdi qabyldap jatyr. Bul týraly BBC habarlady.

Tramptyń buıryǵymen qyrkúıek aıynyń ortasynan bastap TikTok kompanıasynyń Amerıkada jumys isteýine shekteý qoıylmaq.

Vashıngton sheneýnikteri "kompanıa amerıkalyq paıdalanýshylar týraly derekterdi Qytaı úkimetine bere alady" dep alańdaýda.

Qysqa beıne almasý baǵdarlamasynda AQSH-tyń 80 mıllıon belsendi qoldanýshysy bar.

TikTok tarabynyń ýájine sáıkes, kompanıa Tramp  ákimshiligimen bir jylǵa jýyq ýaqyt jumys istegen, biraq ákimshilik prosedýralar men faktilerge nazar aýdarmaǵan.

–Bizdiń kompanıamyzǵa jáne paıdalanýshylarymyzǵa ádil qaraýdy suraý úshin, biz sot júıesi arqyly atqarýshy tártipke narazylyq bildirýden basqa amalymyz joq,–dedi kompanıa ókili.

TikTok sot isi osy aptada bastalady.