Búgin 23 tamyz kúni Almaty qalasynda jáne basqa qalalarda birneshe qoǵam belsendileri ustalǵany týraly aqparat tarady. İshki ister bólimshesinde otyrǵan belsendilerdi úıine qaıtarýyn talap etken bir top azamattar Almaty qalasy Masanchı-Qarasaı batyr kósheleriniń qıylysynda ornalasqan İİD aldyna jınaldy. 

Qoǵam belsendilerine arasha surap kelgen azamattardyń aıtýynsha, olardyń úıine polısıa qyzmetkerleri baryp, sebepsiz, negizsiz tintý júrgizgen. 

"Biz myna kitaptardy jazdyq. Bizben oınamasyn! Kerek bolsa, halqym úshin aıqasyp ólemin! Úkimet bizdiń aryzymyzdy tyńdamasa, balama úkimet quratyn bolamyz. Sol kezde halyq aryzyn bizge aıtatyn bolady" degen 1986 jylǵy jeltoqsan kóterilisine qatysýshy Hasen Qoja-Ahmet sebepsiz ustalǵan azamattardy bosatýdy surady.

Qamshy tilshisi oqıǵa ornyna baryp, jınalǵan azamattardyń pikirin bildi.

 

 

 

Posmotret etý pýblıkasıý v Instagram

 

 

 

Pýblıkasıa ot Qamshy.kz saıty (@qamshy_media) 22 Avg 2020 v 10:23 PDT

 

 

 

Posmotret etý pýblıkasıý v Instagram

 

 

 

Pýblıkasıa ot Qamshy.kz saıty (@qamshy_media) 22 Avg 2020 v 10:32 PDT

İİD janyna jınalǵan adamdar qoǵam belsendileri úılerine qaıtqansha sol jerde bolatyndaryn aıtty. Saǵat 00:00 shamasynda kelgen patrúldik polısıa qyzmetkerleri azamattardyń qala tynyshtyǵyn buzyp jatqanyn aıtyp, úılerine qaıtýyn aıtty. Narazy top "tynyshtalamyz, biraq taramaımyz" dep jaýap berdi.