Jylytý maýsymyna daıyndyq jumystary mejelengen josparǵa sáıkes júrgizilýde.
SHQO energetıka jáne TKSH basqarmasy basshysy Dáýlet Batyrbaevtyń málimetinshe, búgingi kúni óńirdegi áleýmettik nysandardy jylytý maýsymyna daıyndaý jumystary qarqyndy júrgizilýde. Densaýlyq saqtaý nysandary 79%, bilim berý nysandary 76%, áleýmettik qorǵaý nysandary 82%, turǵyn úıler 63% daıyn.
Eń bastysy, jylý kózderi men tirshilikti qamtamasyz etý nysandaryn otynmen qamtýǵa basa nazar aýdarylýda.
Oblystaǵy JES pen jylý kózderinde 342 myń tonna nemese 165% eksplýatasıalyq qor jınalǵan. Jetkizý kelisimshartqa sáıkes júrgiziledi.
Búdjettik uıymdarǵa kómirdi jetkizý shilde aıynda bastaldy. Jalpy qajettilik qory 132,1 myń tonnany quraıdy. Qazirgi ýaqytta 85 myń tonna nemese 62% jetkizilgen.
Turǵyndardy jylytý maýsymynda kómirmen qamtamasyz etý úshin 1123,6 myi tonna qajet. Qazir 695,8 myń tonna kómir nemese 62% jetkizildi.
19 tamyzdaǵy derekterge sáıkes, oblystaǵy temirjol tuıyqtarynda 38,3 myń tonna kómir bar. Oblys turǵyndary úshin kómirdiń ortasha baǵasy 12 500 teńge.
Jylytý maýsymyna daıyndyq únemi baqylaýda ustalynyp otyr.
Pikir qaldyrý