Memleket basshysy Qasym-Jomart Toqaev Grýzıa Prezıdenti Salome Zýrabıshvılıge kóńil aıtý jedelhatyn joldady, dep habarlady Aqorda.

"Prezıdent Qasym-Jomart Toqaev Grýzıanyń Shatılı taýly mekeni mańaıynda oryn alǵan jol-kólik apaty saldarynan kóptegen adamdardyń qaza bolyp, zardap shekkeni týraly sýyt habardy tereń kúızelispen qabyldap, kóńil aıtý jedelhatyn joldady.

Osyndaı aýyr sátte orny tolmas qaıǵyǵa ortaqtasyp, barsha qazaqstandyqtardyń jáne jeke óz atymnan dostas Grýzıa halqyna, jaqyndarynan aırylǵan otbasylarǵa kóńil aıtamyn. Qasiretti oqıǵada zardap shekkenderdiń tez arada saýyǵýyna tilektespin" delingen jedelhatta.

Aıta keteıik, 23 tamyz kúni Shatılı jolyndaǵy taýly aımaqta mıkroavtobýs shamamen 80 metr bıiktikten qulap, saldarynan 17 adam kóz jumǵan bolatyn.