Almaty polısıasy jańa týǵan sábıin aryqqa tastap ketken áıeldi izdestirip jatyr. Bul týraly Polisia.kz habarlady.
Portaldyń habarlaýynsha, 25 tamyzǵa qaraǵan túni Almaly aýdany Raıymbek dańǵyly boıyndaǵy aryqtan qala turǵyny náreste taýyp alǵan. Kýáger oqıǵa ornyna dereý jedel járdem men polısıa qyzmetkerlerin shaqyrdy. Bala densaýlyǵy men kútimin baqylaý úshin aýrýhanaǵa jetkizildi.
"Qazirgi ýaqytta Almaly aýdandyq polısıa bólimi balanyń bıologıalyq anasynyń ornalasqan jerin anyqtaý úshin jedel izdestirý sharalaryn júrgizip jatyr. Polısıa qyzmetkerleri halyqtan náresteniń bıologıalyq anasy jaıly kez kelgen aqparatty polısıaǵa dereý habarlaýǵa shaqyrady" delingen habarlamada.
Pikir qaldyrý