Qazaqstandyq prodúser, teatr jáne kıno akteri Almat Saqatov "Ýaqyt kórsetedi" Youtube arnasyna suqbat berdi.

Jýrnalıs Nurseıit Jylqyshybaı akterdan jaqynda qaıtys bolǵan Nurlan Ahmetovpen qandaı jaqyndyǵy bar ekenin surady. Almat Saqatov:

– Alla Taǵala adamǵa joldasty kóp beredi. Meniń 7-8 ǵana mańdaıǵa biter dosym bar. Sonyń biri osy Nurekeń bolǵan. Onyń minez-qulqy, adamǵa kózqarasy, ásirese myna qazaq degen kezde patrıotızmi erekshe edi. Ol maǵan óte jaqyn dostyń biri bolatyn. Ómirden ótti, men onyń ómirin basqa ulttyń balasy óltirdi dep týra aıta almaımyn. Óıtkeni ol dáleldengen nárse emes. Biraq oǵan bes ret qastandyq jasaldy. Túsinemin máshinemen qaǵyp ketse, baıqaýsyzda ólip ketse. Bul jerde kúdiktenetin nárse kóp. Ony avtomatpen atty, granatamen jardy. Demek, ony óltirý kerek bolǵan.

Almat Saqatov Nurlan Ahmetovtyń ólimine kináli bolýy múmkin oqıǵa týraly da aıtty.

– 2007 jyly Nurlandar qatysqan qazaq-sheshen qaqtyǵysy bolǵan edi. Ol belgili nárse. Sodan keıin Nurlannyń ómirine qaýip tóndirý bastalǵan. Bir emes tórt ret boldy. Basqa kim dep oılaımyz. Men ózim sol ult(sheshen - red.) dep oılaımyn. Ramzan Kadyrov kelsin demeımin. Onyń osy jaqta dıasporasy bar, solar kelsin. Qazaqty orys nemese uıǵyr ursa onda tek bir adam jaýap beredi. Kerisinshe, qazaqtyń balasy uıǵyr, sheshen, orysty ursa búkil qazaq jaman, búkil qazaq jaýap beredi. Qazaqstan negizi túrmeniń otany. KarLAG, ALJIR basqasyn aıtpaı-aq qoıaıyn. Biraq asharshylyq kezinde basqa ult kelgende nanymyzdy bólip berdik. Basqa ult aıtyp otyrady "biz kelgende kómektesken" dep.  Júz birdeńe ult bar bolsa, solar kúnine júz ret shańyraqqa qaraý kerek. Olar qaı jerden nápaqa taýyp otyrǵanyn bilip, 0,5 paıyz bolsa da raqmeti bolý kerek. Nurlan sheshenniń balasyn óltirgen joq, biraq qaqtyǵysqa qatysty, túrmege otyryp shyqty,- dedi akter. 

Suqbattyń tolyq nusqasyn tómendegi vıdeodan kóre alasyzdar.