Qazaqstannyń tuńǵysh Prezıdenti – Elbasy Nursultan Nazarbaev "Iadrolyq synaqtardan azat álem úshin chempıon" mártebesine ıe boldy. Bul týraly BUU qarsy is-qımyl kúnine arnalǵan arnaıy sesıasynda jarıalandy.

"Iadrolyq synaqtarǵa jappaı tyıym salý sharty uıymynyń (IaSJTSHU) atqarýshy hatshysy Lassına Zerbo Qazaqstannyń ıadrolyq qarýsyz álem qurýdaǵy jahandyq kúsh-jigerge jetekshilik kezindegi erekshe tarıhı úlesin eskere otyryp, Nursultan Nazarbaevqa jańa mártebe berý týraly bastama kóterdi. Elbasynyń 1991 jyly 29 tamyzda álemniń eń iri ıadrolyq polıgondarynyń biri – Semeı ıadrolyq polıgonyn jabý týraly sheshimi adamzat tarıhyndaǵy buryn-sońdy bolmaǵan ıadrolyq synaqtarǵa alǵashqy zańdy tyıym retinde ǵana emes, sonymen birge Halyqaralyq kúndi belgileý úshin mańyzdy negiz boldy" delingen resmı saıt taratqan habarlamada.

Bastamashylardyń boljaýynsha, "Chempıondar" IaSJTSH-ǵa qol qoımaǵan memlekettermen maqsatty aqparattyq-túsindirý jumystaryn júrgizedi, olar IaSJTSH-pen yntymaqtastyqtyń artyqshylyqtary týraly túsinikterin jaqsartý, sondaı-aq Qazaqstannyń ıadrolyq ınfraqurylymyn óz erkimen bólshekteý sekildi ozyq tájirıbelerimen bólisedi.

Fınlándıanyń eks-prezıdenti Tará Halonenge de osyndaı mártebe berildi. "Chempıondar" sondaı-aq IaSJTSHU-nyń ataqty tulǵalar tobynyń músheligine kiredi.

BUU Bas Assambleıasynyń arnaıy sesıasynyń barysynda Elbasy N.Nazarbaevtyń is-shara qatysýshylarǵa úndeýin Qazaqstannyń Syrtqy ister mınıstri Muhtar Tileýberdi oqydy.

Eldegi pandemıaǵa baılanysty BUU-nyń joǵary deńgeıdegi dástúrli is-sharasy onlaın rejımde ótti.