1 qyrkúıek kúni mektepterde onlaın jıyndar ótedi. Bul týraly bilim jáne ǵylym mınıstrligi málimdedi.

"Mektepterde jańa oqý jylynyń bastalýyna arnalǵan onlaın jıyn ótedi. Balalar mektepke kelmeıdi, onlaın lıneıkaǵa qoljetimdi qurylǵylar men baılanys quraldary arqyly qatysady" delingen vedomstvo taratqan habarlamada.

Jańa oqý jyly aldynda densaýlyq saqtaý mınıstrliginiń resmı ókili Baǵdat Qojahmetov muǵalimderdiń koronavırýsqa test tapsyrmaıtynyn málimdedi.

Sondaı-aq, ol mektep oqýshylary da ǵımaratqa medısınalyq betperde taǵyp, ara qashyqtyqty saqtaıtynyn atap ótti.

Aıta keteıik, Qazaqstanda tamyzdyń 25-28-i aralyǵynda 2-11-synyptar qashyqtan biryńǵaı sabaqtar ótedi. Olar ótken materıaldardy qaıtalaıtyn bolady.