"Soltústik Koreıa áskerleri men polısıasyna eldiń Qytaımen shekarasynan bir shaqyrymǵa jaqyndaǵan kez kelgen adamdy atýǵa buıryq berildi" dep habarlaıdy brıtanıalyq Deılı Ekspress baslymy.
Ótken aıda Kım Chen Yn bul elge koronavırýs "kire alatynyn" moıyndady.
Soltústik Koreıa Hamgóng provınsıasynyń turǵyny jýrnalıserge koronavırýstyq pandemıa aıaqtalǵanǵa deıin Soltústik Koreıa men Qytaıdyń shekarasynda qatań saıasat júrgiziletini habarlanǵanyn aıtqan.
Aqparattarǵa sáıkes, Hórón qalasynyń polısıasyna "Soltústik Koreıa men Qytaı shekarasynan bir shaqyrym qashyqtyqqa kelgen adamdardy, qandaı da bir sebepterine qaramastan, óltiremiz" dep qaýipsizdik mınıstrliginen shuǵyl habarlama jiberilgen.
Aıta keteıik, buǵan deıin Soltústik Koreıa men Qytaı arasynda jaǵdaıdyń shıelenisip, Phenán shekaraǵa 1500 arnaýly jasaqty jibergeni habarlanǵan. Oǵan qosa, eki eldiń teńizshileri men patrúldik qaıyqtary qaqtyǵysyp, adamdar qaza tapqany málim bolǵan.
Pikir qaldyrý