BUU Bas Assambleıasynyń arnaıy sesıasynyń barysynda Syrtqy ister mınıstri Muhtar Tileýberdi Elbasy Nursultan Nazarbaevtyń is-shara qatysýshylaryna joldaǵan úndeýin jarıalady.

"1991 jyly táýelsizdik alǵannan keıin Qazaqstan planetadaǵy eń qýatty ıadrolyq qarýdyń tórtinshi arsenalynan bas tartý sheshimin óz erkimen tańdady. Tarıh bul qadamnyń durystyǵyn rastady – biz jarqyn mysalmen beıbit jolmen progres pen órkendeýge bet alýǵa bolatynyn kórsettik" delingen Elbasy úndeýinde.

Tuńǵysh Prezıdenti halyqaralyq qoǵamdastyqqa Qazaqstannyń úlgisimen júrýge jáne ıadrolyq essizdikti toqtatý úshin kúsh biriktirýge shaqyrdy.

"Men Amerıka Qurama Shtattary, Reseı, Qytaı jáne Eýropalyq Odaqtyń basshylary planetanyń bolashaǵy úshin erekshe jaýapkershilikte dep sanaımyn. Eger osy tórtjaqty formatta samıt ótetin bolsa, onda onyń basty taqyryptarynyń biri ıadrolyq qarýdy kezeń-kezeńimen jáne proporsıonaldy túrde qysqartý týraly kópjaqty kelisimdi ázirleý bolýy kerek dep senemin. Qazaqstan osy samıtke óz alańyn usynýǵa daıyn", - delingen úndeýde.

Elbasy Nursultan Nazarbaev "Iadrolyq synaqtardan azat álem úshin chempıon" mártebesine ıe boldy.