Shyǵys Qazaqstannyń daryndy balalary álemdi bilimderimen moıyndatqany jóninde aımaq basshysy Danıal Ahmetovtiń qatysýymen ótken tamyz konferensıasy barysynda aıtyldy.
Bilim basqarmasynyń basshysy Saırangúl Jumadilovanyń aıtýynsha, oblys oqýshylarynyń komandasy Shyǵys Qazaqstannyń atyn halyqaralyq jáne respýblıkalyq olımpıadalarda abyroımen qorǵap júr. 2019-2020 oqý jylynda ıntellektýaldyq saıystarǵa qatysýshylar 106 medaldi ıelengen. Onyń ishinde 36 altyn, 31 kúmis, 39 qola medal bar. Sonyń 35-i halyqaralyq saıystardyń enshisindegi medal. Eýropadaǵy halyqaralyq olımpıadaǵa qatysyp, fızıka páni boıynsha baǵyn synap, Qazaqstannyń namysyn qorǵaǵan Semeıdegi oblystyq mamandandyrylǵan bilim-ınnovasıa lıseıiniń 11 synyp oqýshysy Rasýl Maǵaýın altyn medaldi ıelendi. Ol kóptegen halyqaralyq olımpıadalardyń júldegeri ekenin aıta ketken oryndy.
Sondaı-aq mektepter halyqaralyq jobalar men baıqaýlarǵa qatysady. BUU men Ekologıa, geologıa jáne tabıǵı resýrstar mınıstrliginiń muryndyq bolýymen uıymdastyrylǵan
«Meniń Eko-Mektebim» atty respýblıkalyq baıqaýǵa qatysqan Semeıdegi №3 mektep-kesheni reıtıń boıynsha joǵary bal jınap, QR-daǵy Japonıa elshiliginiń 23 mln teńge kólemindegi halyqaralyq qaıtarymsyz grantyn utyp aldy. Búgingi kúni №3 orta mektep óńirdegi qanatqaqty alańǵa aınaldy.
Pikir qaldyrý