Bilim jáne ǵylym mınıstri Asqat Aımaǵambetov qashyqtyqtan oqý úshin mektepten berilgen kompúterdi buzyp alǵan jaǵdaıda onyń aqshasyn tóleýińiz ǵajap emestigin eskertti. Bul týraly Astanatv.kz habarlady. 

Oqý jylynyń bastalýyna sanaýly kúnder qaldy. Biraq tıisti tehnıkamen qamtamasyz etilmegen oqýshylar áli de bar. Bilim jáne ǵylym mınıstri 1-shi qyrkúıekke deıin kompúterlerdi úlestirip úlgeretinderine senimdi. Biraq qurylǵy buzylǵan jaǵdaıda qunyn kim óteıtinin jaýap berdi.

– Zańnamaǵa sáıkes iske asyrylatyn bolady. Bizde memlekettik múlik týraly zań bar, azamattyq kodeks. Osy zańnyń 72-shi, 76-shy baptary osy máseleni qadaǵalaıdy. Sondyqtan bul zań sheńberinde sheshiledi, – dedi Asqat Aımaǵambetov.

Zańgerdiń aıtýynsha, ýaqytsha tehnıkany buzyp alǵan jaǵdaıda mindetti túrde quny ótelýi tıis.

– İsten shyǵarǵan jaǵdaıda mindetti túrde quny ótelýi tıis. Erikti túrde ne sot arqyly memlekettiń paıdasyna júzege asyrylatyn bolady, – dedi Jandos Tuıaqov.

Bıylǵy oqý jylynyń taǵy bir ereksheligi ol mekteptegi kezekshi synyptar. Qazir bul jańashyldyqqa 500 myńnan asa ata-ana ótinish bergen.
Qazaqstannyń bas sanıtar dárigeri Aıjan Esmaǵambetova oqýshylar ne ustazdar arasynda koronavırýs juqtyrǵandar tabylsa, mektep jumysy toqtatylatynyn eskerti.