Qyzylorda oblysynyń ákimi Gúlshara Ábdiqalyqova jýrnalısermen kezdesý ótkizip, saýaldarǵa jaýap berdi. Bul týraly  31-arna habarlady.

Oblys ákimi oqý jylyna daıyndyq, densaýlyq saqtaý salasyndaǵy jumystar, qyzylordalyqtardy alańdatqan Syrdarıa ózeniniń tartylýy syndy máselelerge jaýap berdi.

Sondaı-aq, ákim kezdesýde koronavırýstyń kúzdegi tolqyny, aımaqtyń ındýstrıaly damýy, ekonomıkany turaqtandyrý joldary týraly atap ótti.

Ákimniń aıtýynsha, bıylǵy oqý jylyndaǵy ózgerister birqatar máselelerdiń týýyna alyp kelgen.

– Kóptegen kompúterler men quraldar tozǵan. Mektepter 30 paıyzǵa deıin qamtamasyz etilmegen. Búdjetten bólingen 176,7 mln teńge qarjydan 2 635 planshet alyndy, – dedi ákim.

Ol oqýshylardyń bilimi basty nazarda ekenin basa aıtty.

Buǵan deıin qyzylordalyq kópbalaly analar balalarynyń qashyqtan bilim alýǵa daıyn emesin aıtyp, ákimdiktiń aldynda shý kótergeni habarlanǵan.