Ortalyq saılaý komısıasynyń tóraǵasy Berik Imashev 12 tamyzda saılanǵan parlament senatorlaryna depýtat kýáligin tabys etti. Bul týraly ortalyq saılaý komısıasynyń baspasózi habarlady.

Ortalyq saılaý komısıasy 12 tamyzda saılanǵan 14 oblys pen úsh qalanyń senatorlaryna depýtat kýáligin tabys etip, jańa depýtattardy  resmı túrde tirkedi.

Otyrysty ashqan komısıa tóraǵasy Berik Imashev parlament senatynyń depýtattaryn saılaý jónindegi naýqannyń sońǵy otyrysy konstıtýsıanyń 25 jyldyǵy – táýelsiz Qazaqstannyń negizgi zańy qarsańynda ótip jatqanyn atap ótti.

Komısıa tóraǵasy senattyń jańa depýtattaryn quttyqtady.

– Bul naýqan tarıhta qalady. Pandemıa jaǵdaıynda ótkizdik. Kelesi naýqan olaı bolmaıdy dep úmittenemiz, – dedi ol.