Qazaqstan prezıdenti Qasym-Jomart Toqaev parlament palatalarynyń birlesken otyrysynda qazaqstandyqtarǵa joldaý jasap, eldegi sý tapshylyǵy týraly sóz qozǵady.
– Tehnologıalyq turǵydan eskirgen sýarý júıesi úlken kedergi keltirip otyr. Sýdyń 40 paıyzy dalaǵa ketip jatatyn kezi bolady.Onsyz da sý tapshylyǵynyń zardabyn tartyp otyrǵan elimiz buǵan jol bere almaıdy, – dedi Toqaev.
Onyń aıtýynsha, bul sala rettelýi úshin ekonomıkalyq yntalandyrý sharalary qajet.
– Osy salanyń normatıvtik-quqyqtyq turǵydan rettelýin qamtamasyz etip, zamanaýı tehnologıa men ınovasıany engizý úshin ekonomıkalyq yntalandyrý sharalaryn ázirleý qajet, – dedi prezıdent.
Pikir qaldyrý