Sheteldik BAQ AQSH prezıdenti Donald Tramptyń densaýlyǵy syr berip, "birneshe ret ınsýlt alǵanyn" habarlady. Bıll Klıntonnyń burynǵy kómekshisi Djo Lokhart "Tramp ınsýlt alǵanyn saılaýshylardan jasyrdy" dep málimdedi. 

The Independent basylymy AQSH prezıdenti júrip bara jatyp eki ret súringenin habarlady. Brıtanıalyq gazet "Vıse-prezıdent Maık Penstiń respýblıkashyldar tarapynan nomınasıasyn qabyldaý týraly beısenbi kúngi Baltımorda sóılegen sózinen keıin Tramp bir ret jyǵylyp qala jazdaǵan. Sodan keıin juma kúni keshke Nú-Gempshırdegi áýejaı kampanıasynyń jınalysy kezinde baspaldaqpen kóterilgende súringen" dep jazdy.

Keıbir synshylar Tramptyń keı sózderdi durys dybystaı almaı sóıleýin nemese tilin shaınap sóıleýin baılanystyryp, túrli joramaldar jasaǵan.

Burynǵy prezıdent Bıll Klıntonnyń baspasóz hatshysy Djo Lokhart Twitter-de "@realDonaldTrump Donald Tramp ınsýlt alǵanyn amerıkalyq qoǵamnan jasyryp júrgen sıaqty?" dep málimdegen.

Al Nú-Iork Taıms gazetiniń tilshisi Maıkl Shmıdttiń Tramp týraly jańa kitabynda prezıdenttiń 2019 jyldyń qarasha aıynda Valter Rıd ulttyq áskerı gospıtaline kútpegen sapary týraly jazǵan. Onda Tramp gospıtálde jansyzdandyrýdy qajet etetin prosedýradan ótýi kerek bolsa, vıse-prezıdent Maık Pens prezıdenttik ókilettikterdi ýaqytsha alý múmkindigi jazylǵan.