N. Nyǵmatýlın keshe ǵana Memleket Basshysy Qasym-Jomart Kemeluly Toqaevtyń kezekti sesıany ashyp, Parlament qabyrǵasynda halyqqa arnaǵan Joldaýyn jarıalaǵanyn alǵa tarta kelip:

- Memleket Basshysy Qasym-Jomart Kemeluly Toqaev óziniń  Joldaýynda  ýaqyt talabyna saı damý boıynsha negizgi baǵyttardy jáne batyl qadamdardy kórsetip berdi. Ol – elimizdegi barlyq salalarǵa arnalyp otyr. Sondyqtan, osy bastamalardy sapaly zańdarmen qamtamasyz etý - depýtattyq korpýstyń negizgi mindeti bolyp tabylady, - dedi.

Májilis Tóraǵasy eń aldymen, jyl sońyna deıin memlekettik qyzmet júıesin qaıta jańǵyrtý úshin memlekettik qyzmet týraly zańǵa túzetý engizý qajettigi týraly aıtty. 

Sonymen qatar, Prezıdenttiń ónerkásip áleýetin tolyq paıdalanyp, Ulttyq ekonomıkalyq strategıalyq qýatyn arttyrý úshin tez arada qaıta óńdeý isiniń jańa salalaryn damytý kerektigine toqtalǵan Nurlan Nyǵmatýlın bul jerde «Ónerkásip saıasaty týraly» zańnyń mańyzdylyǵyna erekshe nazar aýdardy.

Ekonomıkalyq ósimdi qalpyna keltirý týraly zań jobasy aıasynda Májilis Tóraǵasy depýtattardyń nazaryn Memleket Basshysynyń jańa qural-strategıalyq ınvestısıalyq kelisimdi  engizý bastamasyn zańnamalyq qoldaýdyń ózektiligin aıtty.

• Jyl sońyna deıin Úkimetke kvazımemlekettik sektordyń barlyq satyp alýlaryn qamtıtyn biryńǵaı zań ázirleý tapsyryldy. Bul taqyrypty depýtattar birneshe ret kótergen bolatyn. Sondaı-aq, Prezıdent bizdiń aldymyzǵa Úkimetpen jáne «Atameken» ulttyq palatasymen birge Salyq kodeksi men zańǵa táýeldi aktilerdi qaıta qaraý týraly mindet qoıdy,- dedi Nurlan Nyǵmatýlın.

Qoldanystaǵy zańnamalyq aktilerdiń qatarynda Ekologıalyq kodeks jobasy bar. Osyǵan oraı, Májilis Tóraǵasy ulttyq saıabaqtar men Qazaqstannyń basqa da tabıǵa baılyqtaryn zańnamalyq qorǵaý qajetti týraly aıtyp, osy salada quqyq buzǵan azamattarǵa qylmystyq jáne ákimshilik jazany qatańdatý kerektigine kóńil bóldi.

Nurlan Nyǵmatýlınniń aıtýynsha, depýtattarǵa quqyq qorǵaý jáne sot júıesin reformalaý, bıznesti quqyq qorǵaý organdarynyń shamadan tys aralasýynan qorǵaý, sondaı-aq azamattardy, ásirese balalardy kıberbuzýshylyqtan qorǵaý úshin zańnamalyq negiz qajet. Sonymen qatar, Májiliste qaralyp jatqan «Qoǵamdyq keńester týraly» Zań jobasy osy jyldyń sońyna deıin qabyldanýy kerek. Prezıdenttiń qoǵamdyq baqylaý týraly, sondaı-aq «Aqparatqa qol jetkizý týraly» Zańdy ázirleý jáne qabyldaý týraly tapsyrmasy da ózekti.

• Bizdiń aldymyzda kóptegen aýqymdy jumystar tur. Basty baǵyt –Memleket Basshysynyń tapsyrmalaryn iske asyrýdy zańnamalyq qoldaý, - dedi Nurlan Nyǵmatýlın.

(Májilistiń Baspasóz qyzmeti, 74-63-01. Sýretti túsirgen J.Quspanov).