QR Konstıtýsıasyna – 25 jyl: Almatyda 25 túp alma aǵashy otyrǵyzyldy

/image/2020/09/07/crop-70_3_516x688_200829144801456e.jpg

Ata zańymyzdyń 25 jyldyq mereıtoıyna oraı, Almatynyń Almaly aýdanynda 25 túp alma aǵashy otyrǵyzyldy.

Jas Otandyqtar eriktilermen birlesip aksıa ótkizdi, shara barysynda Almaly aýdanynyń jastar skeıtparki aýmaǵynda 25 alma kóshetin otyrǵyzdy.

«Osy aksıa arqyly biz jastardy qoǵamdyq tártipti saqtaýǵa, patrıottyq sezimderin qalyptastyrýǵa, týǵan jer men tabıǵatqa janashyrlyqpen qaraýǵa shaqyramyz. Osyndaı is-sharalar árbir adamdy óz ortasyn taza ustaýǵa jáne týǵan jerge súıispenshilikpen qaraýǵa úıretse deımiz», - deıdi «Jas Otan» jastar qanaty Almaty qalalyq fılıalynyń tóraǵasy Mádı Ahmetov

Óz kezeginde qala turǵyndary da Jas Otandyqtarǵa alǵystaryn bildirdi.

«Mundaı aksıanyń ótkizilgeni óte jaqsy. Ýaqyt óte kele aǵashtar jemis berip, ádemi bola túsedi. Mundaı aksıalardy jıi ótkizý qajet, bul qalanyń estetıkalyq sapasyn jaqsartady, sondaı-aq almatylyqtardy jaıaý serýendeýge shaqyratyn bir sebep», - dep atap ótti qala turǵyny Jandos Talıpov.

Pikir qaldyrý

Qatysty Maqalalar