Konstıtýsıa sóziniń latyn tilinen týra aýdarmasy «qurylym, qurylys» degendi bildiredi. Iaǵnı belgili bir deneni, zatty, obektini tanyǵymyz kelse, eń aldymen, onyń qurylysyna (konstıtýsıasyna) zer salǵanymyz mańyzdy. Bul týraly zań ǵylymdarynyń kandıdaty Merýert Murathanova tildesý barysynda aıtty.

Ata Zańymyzdyń 4-babyna sáıkes, Konstıtýsıa – eń joǵary zańdy kúshi bar normatıvtik-quqyqtyq akt. Atap aıtqanda, azat elimizdiń eldigin de, jurtymyzdyń teńdigin de, shekaramyzdyń keńdigin de zańı turǵydan bekitetin resmı qujat, bul – Konstıtýsıa.

"Qazaq jurtshylyǵyna asa qasıetti Zańnyń 1995 jyldyń 30 tamyzynda respýblıkalyq referendým nátıjesinde qabyldanǵany málim. Bul kúnniń respýblıkalyq deńgeıde atap ótilýinen, Konstıtýsıanyń memleket ómirindegi róliniń qanshalyqty mańyzdy ekenin uǵynýǵa bolady. Konstıtýsıa sóziniń latyn tilinen týra aýdarmasy «qurylym, qurylys» degendi bildiredi. Iaǵnı belgili bir deneni, zatty, obektini tanyǵymyz kelse, eń aldymen, onyń qurylysyna (konstıtýsıasyna) zer salǵanymyz mańyzdy. 30 tamyz kúngi aıtýly merekeniń basty sebepkeri –  Konstıtýsıamyzdyń mańyzdylyǵy da sonshalyq. Búkil álem elderine Qazaqstan Respýblıkasy degen egemendi eldiń bar ekenin, onyń qurylymy men qurylysyn, saıası, ekonomıkalyq ómirin aıqyndaýshy basty qujat – 9 bólim, 98 baptan quralǵan Qazaqstan Respýblıkasynyń Konstıtýsıasy", - deıdi M.Murathanova.

Sonymen qatar, ol Qazaqstan halqyn  bıyl 25 jyl tolyp otyrǵan Konstıtýsıa kúnimen quttyqtady.

"Biz, ortaq tarıhı taǵdyr biriktirgen Qazaqstan halqy, birige otyryp qabyldaǵan Konstıtýsıamyzdyń 25-jyldyǵy barsha qazaqstandyqtarǵa qutty bolsyn! Qazaqstandaı táýelsiz memlekettiń myzǵymas tuǵyryna aınalǵan Konstıtýsıanyń azamattardyń ǵumyryna adal qyzmet etýi úzdiksiz jalǵasyn taýyp, mártebemiz bıik, mereıimiz ústem bolsyn!", - dedi ol.