Memleket basshysy Qasym-Jomart Toqaev Almaty oblysynyń ákimi Amandyq Batalovty qabyldady. Bul týraly Aqorda habarlady.

Ol prezıdentke óńirdiń áleýmettik-ekonomıkalyq jaǵdaıy jáne memleket basshysynyń Qazaqstan halqyna joldaýyn júzege asyrý barysy týraly aıtty.

Toqaev joldaýda belgilengen áleýmettik sharalardy oryndaýdyń jáne pandemıa jaǵdaıynda shaǵyn jáne orta bıznesti qoldaýdyń mańyzdylyǵyn atap ótti.

Batalov turǵyndardy, ásirese áleýmettik az qamtylǵandar sanatyndaǵy  azamattardy "5-10-20" jáne "7-20-25" baǵdarlamalary aıasynda baspanamen qamtý jóninde aqparat berdi.

Sonymen qatar kezdesýde aýyl sharýashylyǵy salasyn damytý  jáne ınvestısıa tartý máseleleri talqylandy. Oblys ákimi ishki týrızmdi odan ary damytý, pandemıa jaǵdaıynda oqý úderisin uıymdastyrý sharalary týraly atap aıtty.

Kezdesý sońynda Memleket basshysy oblystyń belgilengen áleýmettik-ekonomıkalyq kórsetkishterin qamtamasyz etýdi tapsyrdy.