"Almaty" telearnasy Uly Otan soǵysy kezinde almatylyqtardyń jáne qalaǵa kóshirilgen azamattardyń ómiri jaıly "Almaty júregimde" atty jańa telehıkaıa túsirdi.

Búgin "Almaty júregimde" telehıkaıasynyń aldyn ala kórsetilimi Zoom baǵdarlamasy arqyly onlaın-formatta ótti.

Al kórermen jańa telehıkaıany "Almaty" telearnasynan 14 qyrkúıekte keshki saǵat 20:35-te tamashalaı alady. Onda keıipkerler basqa túsken qaıǵy-qasiretke qaramastan, jarqyn bolashaqtan kúder úzbeı, kedergilerge moıymaı, baqyt úshin kúresedi.

"Almaty júregimde" atty jańa telehıkaıada Uly Otan soǵysy jyldaryndaǵy qazaq zıalylarynyń ómiri men qyzmeti kórinis tabady. 1941 jyly qysta Reseıdiń tanymal jazýshysy qyzymen birge Qazaq KSR astanasy Almatyǵa qonys aýdarady. Alla Korchevskaıa daryndy, ári jas opera ánshisi. Zulmat soǵys bastalar aldynda anasynan aıyrylǵan Alla jabyrqaýly kúı keshedi. Ákesine de bul qaza aýyr tıedi. Evakýasıalanǵan mádenıet qaıratkerleriniń basym bóligi áıgili "Laýreatnıkte" ómir súrse, Korchevskııdi qazaqtyń tanymal jazýshysy óz úıine shaqyrady. Qasymovtyń uly Ámir Allaǵa ǵashyq bolady. Ámir - jas, symbatty, batyr, ári daryndy mýzykant. Ol boıjetkendi Keńes úkimetiniń áıgili ártisiniń qatysýymen ótetin "Baqshasaraı sýburqaǵy" baletine shaqyrady. Sodan beri Opera teatry Allanyń ómiriniń bir bólshegine aınalady" delingen habarlamada.