Densaýlyq saqtaý mınıstri Alekseı Soı mektepterde epıdemıologıalyq jaǵdaı turaqtaldy dep aıtý erte ekenin eskertti. Bul týraly ol Ortalyq komýnıkasıalar qyzmetindegi brıfıńide málimdedi.

– Mektepterdegi epıdemıologıalyq jaǵdaıdyń turaqtylyǵy týraly aıtý áli erte. Óıtkeni, 1 qyrkúıekten beri áli 14 kúndik ınkýbasıalyq kezeń ótken joq. Bul onlaın oqytý men kezekshi toptardaǵy jáne 180 adamǵa jetpeıtin shaǵyn mektepterdegi jaǵdaıdy baǵalaýǵa múmkindik beredi. 14 jasqa deıingi balalar arasynda JRVI men tumaý 70% deıin tirkeldi.

JRVI jáne tumaýmen aýyrǵan balalardyń ımýnıteti álsirep, koronavırýs ınfeksıasyn juqtyrý qaýpi artady. Máselen otbasyndaǵy bir adam tumaýmen aýyrsa, barlyǵy aýyryp qalýy múmkin. Koronavırýs juqsa, jaǵdaı tipten qıyndaıdy. Birinshi karantınde mektepke deıingi uıymdarda kezekshi toptar ashýymyz sátsiz tájirıbe boldy, onda koronavırýs ınfeksıasy tirkelip, jabylyp jatty. Iaǵnı, biz úshin elimizdegi qazirgi aýrýdyń tómendeý qarqynyn ustap turý mańyzdy. Balalar arasynda aýrýdy taratyp almaý kerek,– deıdi ol.

Mınıstr brıfıńte koronavırýstyń ekinshi tolqynyna daıyndyq júrip jatqandyǵyn atap ótti.