Amerıka Batys Tynyq muhıtyna úlken áskerı jattyǵýlar jasaý úshin 11 myń sarbaz jiberdi, al Qytaı soǵysqa daıyn ekenin eskertti. 

AQSH armıasy Gýamda 10 kúnge sozylatyn áskerı operasıany bastady. Oǵan qurlyqtaǵy, teńizdegi jáne áýedegi jattyǵýlar kiredi.

Vashıngton eldiń eń iri áskerı kemeleri men 100 ushaǵyn Batys Tynyq muhıtyndaǵy AQSH aýmaǵyna jiberdi.

Biraq bul operasıa Qytaıdy shamyna tıip, Beıjiń qazir "soǵysqa daıynbyz" dep málimdedi.

AQSH Úndi-Tynyq muhıty aımaǵynda óziniń áskerı jattyǵýlaryn kóbeıtip keledi.

AQSH-tyń Tynyq muhıty flotynyń teńiz operasıalarynyń dırektory kontr-admıral Maıkl Boıldyń aıtýynsha, bul operasıa AQSH áskerı kúshteriniń ónimdiligin jaqsartýǵa múmkindik beredi.

Al Qytaı komýnıstik partıasynyń nasıhat basylymy bolyp esepteletin Global Times Beıjińdi soǵysqa daıyndalýǵa shaqyrǵan.