"Ýgandanyń soltústik-shyǵysyndaǵy túrmeden 200-den astam tutqyn qashyp ketti" dep málimdedi jergilikti sheneýnikter. Ýganda qaýipsizdik kúshteri olardy tabýǵa tyrysyp jatyr.
Tutqyndar bir sarbazdy óltirgen. Armıa men túrme sheneýnikteri 15 myltyq pen oq-dárimen shyǵyp ketken qashqyndardy izdestirýde.
Armıa ókili eki adam tutqynǵa alynyp, taǵy ekeýi óltirilgenin aıtty. Túrme mekemesi Moroto taýynyń bókterinde, qalanyń shetinde salynǵan.
Assoshıeıted Pres agenttiginiń habarlaýynsha, sottalýshylar túrmedegi erekshe sary kıimderin sheship, jalańashtanyp qashyp ketken.
Pikir qaldyrý