Qazaqstan komýnıstik halyq partıasy Nur-Sultan qalalyq komıtetiniń keńsesinde halyqqa nesıe raqymshylyǵyn jasaý bastamasyna baılanysty otyrys ótkizdi.

Keshe komýnıser halyqtyń, shaǵyn jáne orta bıznestiń nesıege batyp ketkenin aıtyp, pandemıaǵa deıin salyqty ýaqytyly tólegen jeke jáne zańdy tulǵalarǵa keń kólemdi nesıe amnıstıasyn jarıalaýdy usynǵan.

Partıanyń parlamentindegi fraksıasynyń jetekshisi Aıqyn Qońyrov aıtýynsha, qazirgi zańnamaǵa sáıkes azamattardyń alǵan qaryzy úshin bankter men mıkroqarjylyq uıymdardyń aldyndaǵy jaýapkershiligi kúsheıgen. Qarjylyq ınstıtýttar qaıtarylmaǵan qaryzdar úshin azamattardyń quqyǵyn shekteı alady.

– Keıbir qarjylyq ınstıtýttar azamattardyń el ishinde qozǵalysyn shekteýge deıingi quzyretke ıe bolǵan. Tipti poıyz ben ushaqqa otyrǵyzbaýǵa deıingi jaǵdaılar kezdesedi. Munyń aqyry ekonomıkany degradasıaǵa ushyratynyn eskerý kerek, – dedi ol.

Aıqyn Qońyrovtyń sózine sensek, bank sektorynyń ekonomıkanyń shynaıy sektoryndaǵy kúshi basym.

– Ekonomıserdiń aıtýynsha bul jaǵdaı qazir óziniń logıkalyq túıinine taqap qalǵan. Ótken ǵasyrda Batys elderiniń bankırleri men kapıtalıseri ekonomıkanyń basym bóliginiń nesıege batý máselesimen betpe-bet kelgen. Alaıda keıin sovet bıligi qulap qaldy da, jańa naryqtarǵa jol ashyldy. Tıisinshe, olar bul júıeni jalǵastyrý múmkindigine ıe boldy. Biraq bizdegi jaǵdaıdy oılaıyq. Qazir Qazaqstan halqynyń 90 paıyzynda nesıe bar. Qazir kóp adamda endi nesıe alatyn jaǵdaı da joq. Sebebi jańadan qaryz alý úshin eskisin jabýyń kerek. Al eski nesıeni jabý úshin tabysyń bolýy tıis. Al devalvasıaǵa baılanysty halyqtyń tabysy túsip ketti. Sol sebepti halyqta ony jabar shama da joq, – deıdi ol.

Derekkóz: inform.kz