Atyraý oblysy ákiminiń birinshi orynbasary Nurlan Taýbaev sybaılas jemqorlyqqa qarsy qyzmettiń aıyptaýyna baılanysty pikir bildirdi. Aıyptalýshy sózin onyń advokaty Facebook jelisindegi paraqshasynda jarıalady.

– 10 qyrkúıek kúni saǵat 15:00-de meniń úıime sybaılas jemqorlyqqa qarsy agenttiktiń qyzmetkerleri keldi. Sóılesý úshin olarmen birge júrýdi surady. Oqıǵa ornyna barǵan kezde ǵana ustalǵanymdy aıtty. "Ne úshin? degen suraǵyma jaýap ala almadym, – dep jazǵan Taýbaev.

Onyń aıtýynsha, áli kúnge deıin naqty ne úshin aıyptalǵanyn, paranyń mólsheri qandaı ekenin jáne munyń bári qashan bolǵanyn bilmeıdi.

"Kelesi kúni tústen keıin meni taǵy da Antıkorrýpsıa ǵımaratyna alyp keldi. Onda tergeýshiniń "para alýǵa oqtalý túrindegi qylmys jasaý týraly" qaýlysy usynyldy. Buǵan bir kún ketti. Advokatymnyń para alý áreketi qashan jáne qandaı mólsherde jasalǵandyǵy týraly suraǵyna tergeýshi jaýap bermedi. Sodan keıin meni taǵy da ýaqytsha tergeý ızolátoryna jiberdi" delingen jazbada.

Onyń aıtýynsha, Atyraý oblysynyń eks-ákimi Nurlan Noǵaev (qazir energetıka mınıstri) ony óziniń orynbasary laýazymyna shaqyrǵan. Bastapqyda bári jaqsy bolǵanymen, keıin onyń ustanymdarymen kelispegen. Sonyń saldarynan 2019 jyldyń qyrkúıeginde otstavkaǵa ketýge ótinish bergen. Al 2020 jyldyń mamyr aıynda Atyraý oblysynyń birinshi orynbasary retinde shaqyrylǵan.

– Men bul qorqynyshty arandatýdyń artynda kim turǵanyn bilemin. Birinshiden, meniń kinásizdigimdi dáleldeý úshin bárin jasaımyn. Ekinshiden, men ony uıymdastyrǵan adamdar ádil jazalanýy úshin bárin jasaımyn. Men Prezıdentke deıin baramyn, – dep jazdy ustalǵan sheneýnik.