Ázerbaıjan áskerı bólimsheleri Armenıa qarýly kúshteriniń jaýyngerlik tehnıkasyn joıýdy jalǵastyryp jatyr, dep habarlady Trend saıty Ázirbaıjan qorǵanys mınıstrligine silteme jasaı otyryp.

Ázirbaıjan qorǵanys mınıstrliginiń málimetinshe, qarýly kúshterdiń Geranboı maıdan baǵytyndaǵy áskerı operasıasy nátıjesinde Mýrov taý sileminiń Mýrovdag shyńyndaǵy armán shegingen.

Talysh aýyly baǵytyndaǵy shaıqastar barysynda armán áskeriniń shamamen 550-den astam adamy qaza tapqan jáne birazy jaraqat alǵan.

Trend saıty habarlaǵan aqparatqa sáıkes, operasıa bolǵan kúnniń sońynda alynǵan barlaý málimetteri boıynsha Armenıanyń 22 tankisi men basqa brondy tehnıkasy, 15 "OSA" zenıttik-zymyran kesheni, 18 ushqyshsyz ushý apparaty (UUA), 8 artılerıalyq qondyrǵysy, 3 oq-dári qoımasy ártúrli baǵytta joıylǵan.

Sonymen qatar, Armenıanyń desanttyq-shabýyl batalón komandıri podpolkovnık Lernık Babaıan qaıtys boldy. Ol basqarǵan áskerı bólimniń jeke quramy kóp shyǵynǵa ushyraǵan.

Basylym 27 qyrkúıekte saǵat 06:00 shamasynda Armenıa qarýly kúshteri aýqymdy arandatýlardy júzege asyra otyryp, Ázirbaıjan armıasynyń pozısıasyna iri kalıbrli qarýlardan, mınometterden jáne ártúrli kalıbrli artılerıalyq qondyrǵylardan frontqa jaqyn aımaqta ornalasqan eldi mekenderge qarqyndy oq jaýdyrǵany habarlaǵan.

Al armán tarapy áskerı qımyldardy Ázerbaıjan jaǵy bastady dep otyr.