Túrkistan oblysyna sapary barysynda tuńǵysh prezıdent Nursultan Nazarbaev Túrkistan qalasynyń halyqaralyq áýejaıynyń ashylý saltanatyna qatysty. Bul týraly ındýstrıa jáne ınfraqurylymdyq damý mınıstrliginiń resmı saıty habarlady.

Halyqaralyq áýejaıdyń qurylysy memlekettik-jekemenshik seriktestik aıasynda júzege asqan. Qaladan 20 km qashyqtyqta ornalasqan áýejaı halyqaralyq standarttarǵa saı zamanaýı tehnologıalardy qoldana otyryp salynǵan.

Áýe aılaǵyn salý úshin 102 birlik arnaıy tehnıka men 300-den astam qurylysshy jumyldyryldy. Halyqaralyq áýejaıdyń jalpy aýdany 905 ga quraıdy. Áýejaıdyń qyzmet kórsetý áleýeti jylyna shamamen 3 mıllıon jolaýshyny quraıdy.

Túrkistan qalasynyń jańa halyqaralyq áýejaıynan birinshi kezeńde qazaqstandyq avıakompanıalar Nur-sultan, Almaty qalalaryna reıster ashady jáne odan ári túrki áleminiń rýhanı ortalyǵy retinde Túrkistan Qazaqstannyń basqa da oblys ortalyqtarymen qosylatyn bolady.

Bastapqy kezeńde Turkish Airlines avıakompanıasy Stambýlǵa reıster ashýdy josparlap otyr.

Sondaı-aq, Túrkistan qalasynyń áýejaıy sheteldik avıakompanıalardyń ushýy úshin "ashyq aspan" rejımine qosylatyn bolady, bul ony ushý geografıasyn keńeıtý úshin tartymdy etedi jáne sheteldik týrıser aǵynyn tartýǵa yqpal etedi.