Búgin, 20 qyrkúıekte Almaty qalasynyń ákimi Baqytjan Ábdiruly qala kúnine oraı megapolıstiń damýyna úles qosqan azamattarǵa erekshe belgilerin tabys etti.

«Almaty qalasynyń Qurmetti azamaty» ataǵy belgili qoǵam qaıratkeri, ekonomıka ǵylymdarynyń doktory, profesor, Almaty qalasy Qoǵamdyq keńesiniń tóraǵasy Rahman Alshanovqa berildi.

«Bul ataqqa ıe bolý men úshin úlken mártebe. Búginde eki mıllıon almatylyqtar bizge qurmet belgisin bildirýde. Kórip otyrǵanymyzdaı, búginde barlyq el, qalalar, sonyń ishinde Almaty da úlken qıyndyqqa tap boldy. Almatyda aıtarlyqtaı jumys atqaryldy, qala ákiminiń basshylyǵymen komanda pandemıa kezinde kóptegen sharalar qabyldady. Keshe máslıhatta aıtylǵandaı, ekinshi kezeńge aýqymdy daıyndyq júrip jatyr. Ekonomıka quldyraǵan joq, áleýmettik jumys júrgizilýde. Munyń bári bizdiń qalamyzdyń kúshin, qýatty ekenin kórsetti. Qalanyń qurmetti azamaty ataǵyn berý bizge erekshe áser etedi», — dedi Rahman Alshanov.

Ol sondaı-aq qala kóbinese Prezıdenttiń bastamalary men jergilikti atqarýshy organdardyń jumysy arqasynda damyp kele jatqanyn atap ótti.

«Prezıdenttiń qoldaýymen jaqsy jumystar atqarylýda. Almatyda ekonomıka, qurylys, Bilim sıaqty kóptegen salalar jetistikke jetti. Biz qalanyń ósip kele jatqanyn kóremiz. Qala ákimshiligi men máslıhatyna raqmet. Bizdiń qala árqashan alda bolsyn», — dep, R. Alshanov turǵyndardy merekemen quttyqtady.