Almatyda qala kúni qarsańynda «Almaty qalasynyń Qurmetti azamaty» ataǵyn alǵan azamattardy marapattaý rásimi ótti. Almaty qalasynyń ákimi Baqytjan Saǵyntaev erekshelik belgileri men «Eńbegi úshin» tósbelgisin tabys etti.

Qalanyń qurmetti azamattary arasynda belgili memleket jáne qoǵam qaıratkeri, QR Parlamenti Májilisiniń III, IV, V shaqyrylymynyń depýtaty Turarbek Asanov ta bar.

«Qaladaǵy jumysymyzdy joǵary baǵalaǵany úshin alǵys aıtqym keledi. Biz úshin bul úlken qurmet. Elbasy kezinde Aqmolany Astanaǵa aýystyrǵan kezde ushaqta bizge bylaı dep edi: „Sizder, almatylyqtar, qalany qulatpaısyzdar. Men bul jerdi eshqashan umytpaımyn. Qolymnan kelgenniń barlyǵyn jasaımyn, al sizder osyny halyqqa jetkizýlerińiz kerek“. Sodan beri Almaty óziniń ulylyǵyn joǵaltqan joq. Biz óz qalamyzdy ońtústik astana dep ataımyz. Qurmetti ataqtyń barlyq ıegerlerin quttyqtaımyn! Barshańyzdy merekemen quttyqtaımyn. Otbasylaryńyzǵa baqyt, qýanysh pen jaqsylyq tileımin. Qalamyz odan ári gúldene bersin», — dep, T. Asanov almatylyqtardy qala kúnimen quttyqtady.