Taýly Karabahtaǵy qaqtyǵys birneshe kúnnen beri áli jalǵasyp jatyr. Keshe túnde Ázerbaıjan men Armenıa túngi ýaqytta bir-birine artılerıalyq soqqylar jasaǵan.

"Túngi qaqtyǵys kezinde Ázerbaıjan armıasynyń bólimsheleri Armenıa Qarýly Kúshteriniń pozısıalaryna joıqyn artılerıalyq soqqylar jasady" dep habarlady Ázirbaıjan qorǵanys mınıstrligi. 

Jaraqat alǵandar men qaıtys bolǵandar sany kórsetilmegen.

"Ótken túnde Qarabaqtaǵy janjal aımaǵynda jaǵdaı turaqty boldy. Eki tarap jeke baǵyttar boıynsha artılerıalyq soqqylarmen almasty. Ózderiniń áskerı tártipterin jaqsartý maqsatynda, Ázerbaıjan jaýyngerleri kúshteri men qural-jabdyqtaryn qaıta jınaýǵa kirisken, biraq bul árekettiń barlyǵyn Armenıanyń qarýly kúshteri anyqtap, jolyn kesti" dep habarlady Taýly Karabah qorǵanys áskeriniń baspasóz qyzmeti.

Taýly Karabah qorǵanys áskeri qaqtyǵystyń tórt kúninde 104 adamynan aıyrylǵan.