Densaýlyq saqtaý mınıstrligi burynǵy mınıstr Eljan Birtanov pen eks-vıse-mınıstr Lúdmıla Búrabekova "qaıda júr" degen saýalǵa túsinik berdi.

Prezıdent Toqaevtyń jarlyǵyna sáıkes Eljan Birtanov 25 maýsymda densaýlyq saqtaý mınıstri qyzmetinen bosatylǵan. Al, eks-vıse-mınıstr Lúdmıla Búrabekova 23 qyrkúıekte qyzmetten ketýge ótinish bergen.

Densaýlyq saqtaý mınıstrligi atalǵan tulǵalardyń qazir qaıda júrgeni týraly aqparat joq ekenin málim etti.

"Mınıstrlikte E.A. Birtanov pen L. V. Búrabekovanyń odan arǵy jumys orny týraly málimetter joq" dep habarlady vedomstvonyń baspasóz qyzmeti.

Eljan Birtanov otstavkaǵa ketý sebebin koronavırýs ınfeksıasyna shaldyǵyp, jumys isteýge múmkindigi joq ekenimen túsindirgen.

Alaıda áleýmettik jelide Birtanov pandemıamen kúreste dármensizdik tanytqandyqtan ketkeni týraly pikirler jazylǵan.