Atyraý oblystyq bilim berý basqarmasy oblystaǵy mektep oqýshylaryna qatysty bolǵan oqys oqıǵalar áleýmettik jelilerde jarıalaǵandaı qashyqtan oqytýdaǵy ınternet jelisine esh qatysy joq ekenin habarlady.

"Atyraý oblystyq Bilim berý basqarmasynyń málimetinshe, Qyzylqoǵa aýdany Janterek eldi mekenindegi  shtattyq  rejımde jumys isteıtin  №75 bastaýysh mekteptiń 3-synyp oqýshysy 27 qyrkúıekte qyrdaǵy  atasynyń  úıine  barǵanda, traktordan qulap, qolyn aýyrtyp alǵan. Artynsha anasy Atyraý qalasyna ákelip, qolyna gıps saldyrǵan. Qazirgi kezde balanyń jaǵdaıy jaqsy. Mekteptegi sabaǵyna qatysyp júr.

Sondaı-aq Atyraý qalasy Tasqala eldimekeninde turatyn  №32 orta mektebiniń 9-synyp oqýshysy 1 qazan kúni óz úıiniń aýlasynda kómektesý úshin jańadan salynyp jatqan úıdiń ústine shyǵyp, baıqaýsyzda qulap qolyn syndyryp alǵan.  Qazirgi tańda ol oblystyq balalar aýrýhanasynda em alyp jatyr. Sabaqty qashyqtan oqyp otyr. Jaǵdaıy jaqsy" delingen habarlamada.

Buǵan deıin Atyraý oblysynda ınternet sıgnalyn izdep, bıik jerge shyqpaq bolǵan eki oqýshy abaısyzda qulap jaraqattany habarlanǵan.