Qazaqstanda aýdandyq jáne oblystyq deńgeıde jyl basynan beri  alty ákim jumystan ketken. Mundaı statısıkany sybaılas jemqorlyqqa qarsy qyzmet usyndy, dep habarlady Tengrinews.kz.

Habarlamada aıtylǵandaı, otstavkaǵa ketý týraly ótinishti aýdandyq jáne oblystyq deńgeıdegi toǵyz ákim bergen, onyń altaýy jumystan shyǵarylǵan.

"28 qyrkúıekte,  Qostanaı oblysy Rýdnyı qalasynyń ákimi Baqytjan Ǵaıazov otstavkaǵa ketti, ol osy qyzmetti 2011 jyldan beri atqaryp kele jatqan. Jaqynda, Baqytjan Ǵaıazovtyń qolastyndaǵy Qashar kentiniń ákimi Arman Aldonǵarovqa qatysty úkim zańdy kúshine endi.

Atyraý oblysy Qurmanǵazy aýdanynyń ákimi Qaırat Nurtaevtyń otstavkaǵa ketýi týraly ótinish qaralýda. Onyń orynbasary Órken Tájibaev sottaldy", - dep habarlady brıfıńte.

Vedomstvoda Sátpaev qalasynyń ákimi Asqar Ydyrysov pen Almaty oblysy Panfılov aýdany ákimi Talǵat Ómirálıevtiń ornynan ketýi týraly usynystary maquldanbaǵanyn aıtty. Oblys ákimderiniń ókimderimen olarǵa sógis jarıalanǵan.

"Sátbaev qalasynyń ákimi otstavkaǵa ótinish bermeýine bolatyn edi, sebebi onyń qolastyndaǵy qyzmetker 2019 jylǵy 10 jeltoqsanda, ıaǵnı úkim shyqqanǵa deıin qylmys jasaǵan bolatyn " dep atap ótti brıfıńte.

Sonymen qatar, bes is baqylaýda ekendigi habarlandy. Vedomstvoda ákimshilik memlekettik qyzmetshilerdiń tártiptik jaýapkershiligi týraly aıtyldy. Atap aıtqanda, 32 birinshi tóraǵa jaýapkershilikke tartyldy, olardyń beseýi qyzmetten ketti, 8-i bosatyldy, 3-eýine qyzmetke tolyq laıyq emestigi týraly eskertildi, 9-y qatań sógis, 5-i sógis, 2-i eskertý aldy.