Memleket basshysy Qasym-Jomart Toqaev qorǵanys mınıstri Nurlan Ermekbaevty qabyldady, dep habarlady Aqorda saıty.

Qorǵanys mınıstri prezıdent Qasym-Jomart Toqaevqa armıanyń áskerı jáne shuǵyl áreketterge daıyndyǵy, azamattardy áskerge shaqyrýdyń kúzgi naýqanynyń barysy, sondaı-aq, Almaty oblysynda ótip jatqan bitimgershilik oqý-jattyǵý jıyny jóninde esep berdi. 

Memleket basshysy Qorǵanys mınıstrliginiń aldyna birqatar mindet qoıdy.

Sonyń ishinde qarýly kúshterdi qalyptastyrý tujyrymdamasyn ázirleý kezinde Qazaqstan armıasynyń radıasıalyq jáne hımıalyq qorǵanysyna qajetti qural-jabdyqtardyń zamanaýı túrlerimen jabdyqtalýyna, áskerı-kólik avıasıasy men ınjenerlik áskerdi kúsheıtýge, ınfraqurylymdy damytýǵa erekshe nazar aýdarýdy tapsyrdy.

Sondaı-aq Toqaev halyqaralyq áskerı yntymaqtastyqty damytýǵa, kadrlyq saıasat pen áskerimizdiń qysqy maýsymǵa daıyndyǵyna qatysty birqatar tapsyrma berdi.