Ekibastuz qalasyndaǵy jalpy orta bilim beretin mektepterdiń biriniń dırektory para alý ústinde ustaldy. Bul týraly sybaılas jemqorlyqqa qarsy qyzmet habarlady.

"Mektep dırektorynyń ústinen sybaılas jemqorlyq qylmystyq quqyq buzýshylyq jasaý kúdigi boıynsha sotqa deıingi tergeý júrgizilip jatyr. Ol orys tili men ádebıeti pánderi boıynsha oqý saǵattaryn bergeni úshin mektep kitaphanasynyń meńgerýshisinen zańsyz aqshalaı syıaqy aldy degen kúdikke ilindi, – dedi sybaılas jemqorlyqqa qarsy is-qımyl agenttiginiń 1-departamentiniń asa mańyzdy ister jónindegi tergeýshisi Danıar Bekaıdarov onlaın brıfıńte.

Tergeý aıaqtaldy. Aıyptalýshyny sotqa berý týraly máseleni sheshý úshin is materıaldary prokýratýraǵa jiberildi.