Koronavırýs juqtyrǵan AQSH prezıdenti Donald Tramptyń jaǵdaıy nasharlap, organızminde jótel men qyzý belgileri paıda bolǵan, dep habarlady Vanity Fair basylymy.
Maqala avtorynyń aıtýynsha, bul aqparatty oǵan "Aq úımen tyǵyz baılanysta" júrgen eki respýblıkashyl habarlaǵan.
"Melanıaǵa keletin bolsaq, onyń boıynda aýrý belgileri joq deıdi" dep jazdy jýrnalıs óz maqalasynda.
Respýblıkalyq partıa músheleriniń biri moıyndaǵandaı, prezıdent ákimshiligi 74 jastaǵy Tramptyń densaýlyǵyna alańdaýly.
Eske salsaq, 2 qazan kúni tańerteń amerıkalyq kóshbasshy óziniń áıeli Melanıa ekeýi COVID-19 aýrýyn juqtyrǵany habarlanǵan edi.
Qazaqstan prezıdenti Qasym-Jomart Toqaev Tramp pen áıeline koronavırýstan saýyǵyp ketýin tiledi.
Pikir qaldyrý