Bas sanıtar dárigerdiń qaýlysy boıynsha 6 qazannan bastap COVID-19-ǵa tekserilgeni týraly anyqtamasy joq sheteldikterge Qazaqstanǵa kirýge tyıym salynady. 

"Shetel azamattary Qazaqstannyń memlekettik shekarasynan ótýi úshin kem degende 72 saǵat buryn koronavırýsqa PTR test tapsyrǵany týraly anyqtamasy bolýǵa tıis" delingen qaýlyda.

6 qazannan bastap jolaýshylar tasymalyndaǵy tártipter ózgerip, karantın talaptary kúsheıtiledi.

Sondaı-aq shetelden avıareıstermen keletin barlyq azamattar termometrıadan, saýalnamadan ótedi jáne Qazaqstan Respýblıkasynyń memlekettik shekarasyn kesip ótken kezde kem degende 72 saǵat buryn alynǵan PTR ádisimen COVID-19-ǵa testten ótkeni týraly anyqtamany kórsetedi.

Bas sanıtar dárigerdiń qaýlysy 6 qazanda kúshine enedi.

Buǵan deıin densaýlyq saqtaý mınıstri Alekseı Soı koronavırýs pandemıasyna baılanysty Qazaqstanda 5 qazannan bastap engiziletin jańa shekteýler týraly málimdegen bolatyn.